إوعى تفكر إنى هسامحك
******

إوعى تفكر انى هسامحك
او فيوم راح اقدر اصالحك
لاا أنا شفت ظــلم كتيـر
مش م السهل انسالك جرحك

سيبنى كده يمكن اتصالح
مع نفسى وقلبى يتســامح
أصل الدمع دا غالى عليا
نازل يكوي بطعم المالح

إوعى تقول إنك مظـلوم
أو ترمى على قلبى اللوم
لا ياحـبيبى وإياك تنسى
إنت دبحــت قلبى اليــوم

واوعى تقول إن انت نسيت
راح أقولك يا خسارة ياريت
كنت اقدر للقسوة دي انسى
ولدمعي كتير ياما داريت

كلمـه بقولهـالك واسمعهـا
يمكن تقول ايه اللى وجعها؟
اللى وجعنى تعذيبك فيــا
وحياتي بحـاول ارجـعها

طيب جاوبنى على بس سؤال
مهما تكون عندى الأحوال
ليه ماأذيتك أنا لو لحظة ؟
وانت في ظلمي فارس خيال

كنت زمان ملهــوف عليــا
واللهفــة … بشــوفها بعنيــا
راح فين الشوق من قلبك ؟
تلاقيك قلت دى صبحت ليا

نفسى اسامحك لا مش قادرة
هعمل معاك عهد بمغـادره
ماهو مش ممكن أرجع ليك
وانت لحزني تخطط لمؤامرة .
بقلمى
سهــ ماجد ــام