اسكُني

اسكني قلبي اللي حبّك
عيشي فيه واتمكني

اصله بيتك مأوى قلبك
اوعي مره يصدني

قلب حلم يليق بحبك
والخيال فيه شدني

اربع اوض
اتنين اذين واتنين بطين
واسعين قوي مش ضيقين
والواجهه بحري اطمني

الصاله فيه متشعبه
على قطعتين
وسط الحشا والاورده
قاطعه الوتين
شطبته لوكس ماهمني

اما الفرانده قفلتها
بصمام امين
عشان ماحدش يلمحك
م المحرومين
غير عيني بس

فيه عدادات الكهربا
او غاز وميه
بتعد دقات قلبي انا
بكروت ذكيه
ف الثانيه الف

ارضيته باركيه حنان
وحيطانه ستر من الزمان
مدهونه عطف

اه لو تحني وتسمحي
وتشرفيني وتفرحي
لو يبقى بيتك مطرحي
يجمعنا سقف
اسكني
بقلمي/خالد جمال ٥/٢/٢٠٢٣