مصر….هى دى مصر
ناس كتير بتسأل هى ليه مصر منذ فجر التاريخ دولة دايما مستهدفة؟
من عهد مينا من قبل التاريخ بتاريخ..غار عليها جحافل من كل حدب وصوب…فى عهد أحمس وصل الهكسوس صدهم أحمس ببراعة واقتدار… وصل الحيثيين..صدهم رمسيس  بارادة شعب لم يعرف اللين…جم التتار…والمغول كان المصريين ليهم بالمرصاد..
تاريخ ينحكى على جدران المعابد  منقوش..
مصر يا سادة محفوظة فى الكتاب المبين.
وتمر سنين جانا الفرنسيين فى حملة وسلاح شديد ومتين معاهم قائد محنك نابليون باشا بونابرت…احتلونا..قاوم الشعب ببسالة
جم بعدهم الانجليز فرضوا علينا سيطرة بالقوة الجبرية..استكان
من استكان  أصبح ولائهم لمستعمر دخيل فرض نفوذه وشروطه على شعب أعزل مجروح..ثورات شعبية قامت.. قلينا راحتهم
سكت الشعب لأ….كافح وناضل لحد يوم الاستقلال.
وأعلنها الزعيم ..احنا اممنا القناة…فكانت الطامة الكبرى جحافل من إنجلترا وفرنسا واسرائيل وكانت معمعة 56..انتصرنا معنويا وشعبيا…إلى أن جاءت نكسة 67  وكانت حربا من طرف واحد وضاع جزء عزيز من أرض الوطن..وبعد ست سنوات ثار الشعب
وجيش مصر المغوار  عبر القناة واسترد الجزء السليب. وكان نصر73..
عرفتم أيها السادة تبقى ايه مصر.؟؟!!
عانينا الكثير ودخلنا حروب من أجل القضية المعروفة
اليوم….قوافل بسيارات وحافلات  عايزة تدخل مصر ..ليه ..وايه السبب…عايزين نحرر الأرض المحتلة..!!
نعم…آه والله.
قمة التهريج…قمة الهرج والمرج.
هل أى أرض فى أى وطن مستباحة يدخلها من يدخلها دون قيود ولا شروط…هل أصبحت الأوطان مستباحة لهذه الدرجة..؟؟
عودوا إلى رشدكم يرحمكم الله.
*******
محمد المصرى