ممكن يا ابله
———//
هيه كات رمانه ميزانا
لما زمانا عاب وخانا
والعويل اصبح ملك
محتاج يادوب للزمبلك
يملا ف يعزف
الفشل
ازعاج والكل
ممتثل
والبسمه فوق الكون قناع
مرسوم بايد سيدنا العويل
ترضاه ياليل
راضيه ياابله
بدلوا لنا العود بطبله
واتحزمت كل المباديء
واترقصت مقسوم وسارق
نفسي في موته
تشبه شهادة حق
في الليل الغميق
تنشل معاني الحب
م البحر الغريق
ويعود نهار
بعد ما ليل الظلم طال
ممكن يا ابله
ممكن في عز البرد نلقي الغطا
ممكن ف حروشرد يرسي العطا
طب ليه يا ابله الدنيا ضلمه
ليه يحكمونا فاسدين وظلمه
ممكن يا ابله
ممكن يجينا الضي من قلب الظلام
مافيش همام وعنده عمه
مافيش كرامه او حتي لمه
فارس ويستاهل مقام
سيدنا الأمير
مش بارد عميل و
رمه
يفرد قلوع المستحيل
يبقي الدليل وعنده ذمه
يضرب ويعمل تاني نيل
بعد انحسار نيلنا الذليل
ممكن يا ابله
يسري عثمان
خاص بالنصوص المميزة
D. Hodaaabdo 
أضف تعليق