****وحشتيني****
رغم عنادك رغم جنونك
عمري ما هقدر أنسي عيونك
لما بتنده وتقول يا حبيبي
قلبي يدوب من سحر جفونك
شايف جوه عيون حلوين
عشق لقلب وروح دايبين
همس حروفهم صمت الخوف
بيقول والله له شاريين
بس ظروفنا وكلام الناس
ما يعرفوا معنى الإحساس
وإنك تعشق روح وتحبك
ويبقي الصدق بينا أساس
سوط عيونهم يجلد جلد
يمحي جمال ونضارة الورد
يبدل كل سعادة الدنيا
ويرسم وشم حزين ع الخد
أيوه انا عارف كل ظروفك
وحاسس ديما برعشة خوفك
بس اللي بينا يا قلبي كبير
هيمحي الخوف ويغني حروفك
أوعي ف يوم تطاطي للريح
هتكسر قلبك ويبقى جريح
خليك ديما شعاع النور
واضح ديما كدا وصريح
أخرجي بره حروف الخوف
غني لشوق وحنين ملهوف
لقلب اتمنى تبقى نصيبه
وتبقى له حبيب موصوف
يومها بس نعيش الفرحة
وجوه قلوبنا أحلام طارحة
نعيش الحب من غير ما نخاف
وتبقى حياتنا ألحان سارحة
*****************************
بقلم / مصطفى كرم
خاص بالنصوص المميزة
D. Hodaaabdo 
أضف تعليق