*** حب أفلاطوني ***

قلبي قليل عليك

وعيوني تحن إليك

لو قلت عمري ليك

يبقى بكدب عليك

لو ألف عمر هحبك

وأتمنى أفضل جنبك

أفرشلك قلب جنينة

زهورها تدوب في حبك

أيوه بحبك حقيقي

وبشوف فيك رفيقي

وحكاية حب جميلة

أنور بيها طريقي

أعمل إيه ف الحنين

واللي ساكن فيا أنين

لو بوحت ليك بحبي

تمشي وتفوتني حزين

هكتم حبك في قلبي

وأداري عنك وأخبي

عشان تفضل ويايا

وأشوفك ديما جنبي

حبي ليك أفلاطوني

لو سعدك تمنه شجوني

هرضى وأستحمل ألمي

مهما عيونك يلوموني

أوعاكي تقولي فوق

أفلاطون كان زمان

لو عايش زمن الحاضر

كان عشق الحرمان

نصيبي تكون مع غيري

ويفضل حبي أسيري

وكفاية تكون متهني

وتغني الفرحة يا طيري

**************************

بقلم / مصطفى كرم