**** نظرة عين  ****

مهما  بعدت هتفضل عينك
نبض   لقلبي  ولغة   الروح
مهما حاولت إداري وأخبي
تفضح  قلبي  بنظرة  تبوح

ياللي عرفت  الحب  بنظرة
حاضن  فيها   املك   لبكرة
خايف  ليه   تقول   حبيت
خلي  همسك   لحن  وعبرة

جوه عيونك شوق وحنين 
يسحر قلبي في شوق وأنين
إزاي  أنسى  عيونك    ديا
وهي الروح  والمنى للعين

داري عيونك سحرها مارد
جوة  ف قلبي نارها القايد
بحلم   بيها   تمالي  ليلاتي 
تحضن قلبي ورمشها فارد

تزرع   جوه   الروح  أزهار
فتطرح  فيها  ظلال وثمار
حب  ورحمة  وفيها  مودة
لتوأم   عاشق   ليل   ونهار

***************************

بقلم / مصطفى كرم