وطنى ..وصبايا..وأحلامى
الوطن
الوطن …الأمن والأمان
الوطن…تقرب ..تبعد…شئ قوى يشدك لبلدك
فيها الحلم اللى عشته زمان…مع اصحابك..حبايبك..
الوطن…هو العرض….الشرف
من بلا وطن.  فلا عرض ولا شرف..
الوطن..سما… أرض خضرا….فيها صبانا..فيها أحلامنا
                  مصر
مصر…أغلى اسم فى الوجود
مصر…الهرم والنيل
مصر….وشوش سمرا تحت الشمس…تزرع وتروى الأرض..
مصر…النيل جواها يجرى قبليها وبحريها..
مصر…فى القرآن مكتوبة…ادخلوها بسلام آمنين..
مصر…من سبع تلاف سنة..اسمها ع الجدران منقوشة..
مصر…من زمان جاها مستعمر….من كل شكل ولون.
ولادها ..ماسكتوا من غير سلاح قاوموا.
صبية..
صبية..زماااان ع الزراعية ماشية ساعة مغربية جنب شط الترعة
تستنى الأدان…
لقت نملة سودة ..خافت منها…جريت بعيد..
لقت نفسيها جوه أوضة ضلمة سودة..بابها متربس حديد.
فضلت تصرخ…وتجرى من الجدار ده للجدار ده..
تقب منه خيط من نور يقيد…
بصت لقت طيف ياسين
وراة كتير ناس وشوشها زعلانين ..
سألت …ليه….ليه حزانة ياياسين…
مش حزانى …مش حزانة..دول بس قلقانين ع السنين..
بكرة نبدد قلقهم…..بكرة ييجوا فرحانين..يوم فرحنا تلقيهم معزومين..
بس حلم أسود حزين..كنت شفته من سنين.
سنين وسنين كما السواقى تدور ..سنين تودع يتيمة وسنين تقطف زهور..
الوطن….الأرض…العرض..
هى دى مصر..بناسها الحلوة الطيبين..
*********
محمد المصرى