★★★ عندما تهوى البراءة ★★★
يا أجمل قلب أنا شفته
معاك الحب أنا عرفته
وأحس الدنيا بتغني
من همس شفايفك أنا سمعته
فأعيش بخيالي ف الأحلام
يدوبنا حنين وغرام
ونظرة عينك الساحرة
بشوف فيها أحلى كلام
خديني يا دنيتي وناسي
يا قمر ليلي ووناسي
واسقيني الغرام ف كاسات
تداويني ومن ألمي أكون ناسي
دا حبك طعمه ما له وجود
و مكتوب لي قبل الوجود
أهيم فيك وأكون ليك
توأم روح حافظ العهود
بحس الطفلة جواك
ببراءة لهوك وهواك
ما تعرفشي خداع ولا زيف
يغني الطير في سما
هتفضل جوه قلبي حبيب
بعيد عني أو حتى قريب
يا أطهر قلب ف الدنيا
واللقا قدر ونصيب
★★★★★★★★★★★★
بقلم / مصطفى كرم
خاص بالنصوص المميزة
D. Hodaaabdo 
أضف تعليق