*** متحلفيش ***
متحلفيش إنك لسه زي ما أنت

عاشقة قلبي ومنستيش

متحلفيش انك عايشة لسه هوانا

رغم بعادنا متغيرتيش

متحلفيش ان نبضك جوه قلبك

هيفضل عاشق ومخنتيش

مش محتاج أسمع منك

لإني عارفك ف متحلفيش

يكفي حنينك ويا أنينك

في سطر منك عشان أعيش

يكفي أهاتك بصرخة سكاتك

بتقول تعال متسبنيش

يكفي أشوفك رافعة كفوفك

بتدعي حبي  مينتهيش

أنا قلبي ليك وبين إيديك

وباقي عليك  متخافيش

يمكن بعاد يمكن سهاد

روحي فيك متستغربيش

بسمع نداك أحضن هواك

وصورتك ديما متفارقنيش

وأشوف عيونك تشكي ظنونك

مهما تداري ولا تعرفيش

بحس آلامك من بين كلامك

لو كله فرح متهربيش

عرفتي ليه ديما بقولك

يا ريت حبيبتي متحلفيش

**************************

بقلم / مصطفى كرم