صباح الورد يامحلا صبوحي
صباحي انت جاوب عن سؤالي

صباح الفل ذي شمه يفوحي
ومبسم باالعسل شهده حلالي

صباح القلب ذي يشعر ويوحي
وباالاحساس ذي يرثي لحالي

صباح النور ذي عاكس لجوحي
صباح البدر ذي طيفه قبالي

صباح السعد والوجه المزوحي
وذاك الكف ذي لا اعطا سخالي

صباح اللي لهمي بايزوحي
صباح الزين ذي دايم ببالي

صباح الروح ذي مالك لرووحي
صباحي. انت ياحالي ومالي

ابات سهران طول الليل انوحي
وطرف العين مفتون بك ليالي

صباح الحلم من غيرك طموحي
وجودك معتكف ساكن خيالي

✍️ أبو شامخ فضل الدروبي