عتاب
يا بلد من همك شايل الطين
والفرح اتحول فيكي لأنين
والحلم بقي سراب وسؤال
بعد مرور كل هذا السنين
ضحكة وفرحة بقيت كدابة
وغاب فيها البسمة والحنين
أنا الشيال والجمال قوليلي
طيب الاحمال اشيلها لمين
الكل صرخ منك وقال الاه
وموكل شكواه لرب العالمين
من بعد ما كان الحلم حكاية
أصبح الحلم حلم المجانين
أنا فيكي الشاعر والثائر وبقي
كلامي دائمابيزعل المسؤولين
كتبت فيكى من زمان الشهيد
وبهية ودلوقتي أكتب لمين
أكتب عن السجان وايام زمان
ولا التزم السكات واقول آمين
انتم علمتونا الكلام والأمان و
السلام ياسلام علي الكدابين
كدب ورقص ناقص الصاجات
اصلي الزمن بقى زمن راقصين
أنا فيكي الرافض والعابس من
بعد ما كنت فيكي من العاشقين
معلش الحقيقة مرة ولا كانت من
ملامح ومن لون وشكل الطين
أنا الرافض على جبروتك وعلى
ذلك وطحن الغلابة المسكين
أنا شايف ومش عارف هى دبه
ذنوبنا ولا ذنوب ناس تانين
ونقول بكرة وتعتدي وبكرة
بتاعك مقبرة لغلابة وفرح لظالمين
اخر كلامي اليكى ربنا يصلح الأ
حوال قولو يا خلق ورائي آمين
الشاعر عماد ابو دياب 🖐️🇪🇬
خاص بالنصوص المميزة
D. Hodaaabdo 
أضف تعليق