أمنيات فقير
**********
كلمات/ السيد عطاالله

أنا مش تخين و طالب تنحيف
أنا فقير فقري مش عايز تعريف
أنا فقير و فقري ع رقبتي سيف
طالب حتة جبنه بس في رغيف
ليلاتي بالجوع دايما انام خفيف
أه لو يجففوا منابع الفقر تجفيف
مش طالب عربيه موديلها ظريف
مش عاوز سهره ف ملهى سخيف
حياتي فصل واحد شايفها خريف
حلمي ف علبة ألوان بألوان الطيف
نفسي ف لبس يكون شيك نظيف
نفسي اكون مع كل الأطفال لطيف
بحلم بحياه حقيقيه مفيهاش زيف
بدي حياة بدون ألم أو ألمها طفيف

كلمات السيد عطاالله.