حكايات الصعيد
يا مصر
الدموع ملت الجفون
واللسان لعق المر
حرام والله حالك بقى
ولا يروى ولا يثر
الفقير فيكي يامصر
شارب من حنضل المر
وكلامك بقي مذلة
وشكلك ما بقى يغر
هو ايه اللي حصلك
قوليلي يامصر على سرك
خيرك بقي لغيرك
والحزن ملأ الكل
هو ده يابلدي حالك
ولا غنوة العذاب والذل
هو ده يابلدي شكلك
ولا ملامح شكل الطل
هو ده يا بلدي تواريخك
ولا تاريخ المرض والسل
ولا بقيت زي الصيف
ولادك لازم يموت من الحر
ابكى عليكي
ولا على الفقير اللي شارب
من غلبك المر
خلاص يامصر
خلصت الحكاية
وقررت من غلبك
أفر
الشاعر عماد ابو دياب
خاص بالنصوص المميزة
D. Hodaaabdo 
أضف تعليق