علمتني الحياه
مش كل مين قالك برئ
تجري تحارب معاه
علمتني اختار الصديق
قبل الطريق وامشيه لمنتهاه
علمتني اتحمل واطيق
صبر والم لو بالبطىء
ده لاجل الورود
بينسقي العليق
واللي اجتهد
بيلاقي مبتغاه
علمتني إن المحترم
والباشا ابن الناس
مش بالفلوس ولا بالنسب
ولا بالدهب والماس
ده بنية صافية وبالادب
بالطيبه والاحساس
مش عز هيه وجاه
علمتني احب بلدي
ماطلعشي من جلدي
اعيشها حامد ربنا
باللي انكتب مرضي
مين فات قديمه تاه
علمتني انسى الاسيه
واكون مسامح
اصل الكريم في الدنيا ديه
هوه المسامح
ساعة الغضب
يبعد لهيبه عن الحطب
عن شر جامح
الله وكيله على مين عاداه
علمتني احب الخير
لكل مخاليق ربنا
واعيشها زي الطير
واللي اكرهه يحصل لنفسي
مارضاهوش للغير
لو حتى قوله آه
فياريت تعيشها كده
عيشه سهله مش متعبه
هتشوف عنيك الرضا
لا تعاسه ولا معاناه
بقلمي/ خالد جمال ٧/٢/٢٠٢٣
خاص بالنصوص المميزة
D. Hodaaabdo 
أضف تعليق