أه بحبك
أه بحبك تاني أحكي
يالله نحكي من جديد

كنت قولت
لما أوصل ح أبقى أرن
لسه فيه بنا كلام

ح أبقى أقولك ليه بحبك
ليه بزورك فى المنام

ليه بحس رغم بعدك
جوه قلبي من زمان

بس إنت نسيت ترن
إوعه تقولي إنشغلت
ليه نستني
ليه نسيت ليه ترن
هو مش فيه بنا كلام
كنت عايزه أه أقولك
أه بحبك من زمان

قولي يالله مش ناسيكي
غصب عني إنشغلت
أيوه عنك إنشغلت
بس غصب غصب عني
كنت لسه أه ح أرن

كنت عايزاك تحس بيه
أد ما أنا حسه بيك
علشان إنت إللي ليه
قولي مين ح يحس بيك
إلا قلبي إللى إشتراك
من ساعتها بيناديك

أه بحبك
قولتهالك من زمان
كنت بتجيني دايما فى المنام
عارفه
إنها كبيره عليهم الحكايه

المهم هو إنت إوعه تنسى
يوم ح أقبلك من جديد

يوم ح أصدق
قلبي حاسس أيوه بيك
أه ظلمتك ‏ بس صدقني بحبك
غصب عني أه بعدت
بعدت عنك وأنت مستني هناك

أه بحبك مين معاك
طب وصلت الساعه كام
طب فاكرني لاء نسيت
طب وحشتك أد إيه

هو إنت لسه فاكر
طيب إحلف
ح أبقى أحكي ليه سافرت
ليه ماسلمتش عليك
‏
كنت خايفه من الوداع
تاني
‏ يمكن أكون ظلمتك
قلبي حاسس بالضياع

لما أوصل ح أبقى أرن
لسه فيه بنا كلام
كنت خايفه تقولي تانى
إمته أنسى
هو ليه مش قادر أنسى
نفسى أنسى كل حاجه
هو فعلا هان هوايه
هان عليك

طب ح أقولك
كل حاجه بس إهدى
أه بحبك
رغم إنك مش معايه
أه بحبك
وإنت كلك أه منايه
غصب عني لما روحت
ماقولتلكش بالسلامه

شعر
على أبوالسعود
‏