بيت العيلة 💣 (الجزء الثاني)
الجواز في القرى داخل بيوت العيلة بيكون إزاي؟
– جواز منفصل بس لمدة كام يوم البنت في شقتها تستقبل أهلها بزيارتهم وأصحابها وتآخد النقطة وبعد مدة الراحة دي لو هيسافروا فسحة ترجع على بيت أهل جوزها..
تنسى بقى أي هدوم مرحرحة شوية ولا قصيرة، وتلبس عبايات وحجاب وتنزل في شقة حماتها تنظف وتمسح وتكنس وتطبخ وتغسل مواعين وتفضل في شقتهم وتطلع عالنوم بس، وبعد شوية هتآخد صك الرضا..
طب تعبت في يوم ولا قالت آكل في شقتي فوق:
– شوف الكونتيسة مراتك مالها مش راضية عننا ليه؟
هي أحسن من فلانة بنت فلانة اللي تحت رجلين حماتها؟

بيبدأ ضغط الزوج علشان يريح دماغه من التقطيم، وأهلي ولازم تسمعي الكلام، وكلام أم العروسة انزلي لحماتك برضه عيب الناس تقول إيه.
البنت فالظروف دي بتحمل بسرعة علشان الناس ما تآكلش وشنا ويقولوا بنت الحاج فلان مش متربيه ومع الحمل وتعب الخدمة والتقصير تتشاف إذا أنجبت ذكر أفراح وليالي ملاح
أما إذا أنجبت انثى الويل وكل الويل لها
شقتها فالمرحلة دي تبقى بمفاتيح مع حماتها وأخوات جوزها بيطلعوا يحطوا برفان، ويفتحوا الدولاب ويآكلوا من التلاجة وكل جديد سعيد مديد انسي يا عروسة

تدخل مرحلة لابد منها وهي الخناقة بتاعة أنا زهقت وعايزة أنفصل في شقة لوحدي، وترفع الرايات السودا في البلد حدادًا على القطة المغمضة اللي اختارها ابننا بس طلعت مفتحة وعلت صوتها وقالت عايزة أكون إنسانة مستقلة بحياتي بدون ما حد يكون بيعد عليا النفس..

وفيه سيناريو أكثر سوداوية، وهو سفر العريس بعد فرحه بأسبوعين دولة تانية ويسيب العروسة بين براثن الأم والأخوات والأب
امثله من واقع الحياه ؟؟؟
1-الدخله البلدي وفيها امتهان بكرامه المرأة
2_ضرب الزوج لزوجته لأتفه الأسباب
3_عند التأخر في الحمل هنآك مصائب ترتكب على سبيل المثال وليس الحصر (إحضار المشايخ لفك العمل _زياره القبور واللف حولها والعياذ بالله _احضار شيئ ميت ورميه في وجه الزوجة (طاسه الخاضه)
3_توجيه أشد وافظع الكلمات للزوجة منها كلمه انتي أرض بور وغيرها الكثير
4-شراء كل الاشياء الخاصه بالزوجة وأولادها عن طريق الحماه
5_نزول الزوجة من الصباح وحتى المساء في شقه حماتها
6_شغل السلايف وماادراك من شغلهم من النميمه والوقيعه
7_اذا كانت الزوجة تعمل فراتبها الشهري ليس ملك لها بل ملك حماتها مع إعطائها مصروف بيدها
سيناريو متخيل من بعض المشاكل
المهم يعني بلاش تتجوزوا خالص في بيت عيلة ❤️ إلا من رحم ربي
من حق كل زوجه الاستقلال بحياتها
ننتظر آرائكم ؟؟؟
8_
9-
10_
الباشا احمد 🎩⚖️