حرب
( الجمله المحورية في النص مستوحاه من أحد الافلام العربية )
حسيت هواه والقلب طب
حسيت كأني معاه يا خلق
دخلت حرب
ما خلاص بقى خدنا القرار
ف الحرب خُضنا
دي لا فيها وقف إطلاق لنار
ولا حتى هدنه
اما العواقب شكلها هتكون وخيمه
هوه كله ضرب ضرب مفيش شتيمه
ده جمال خيال ووصفه صعب
دي عيون غزال وعودها صب
خلخال ف كعب
والبصه رعب
خلّص عليّا ماسابشي فيا
والله ولا حته سليمه
هوه كله ضرب ضرب مفيش شتيمه
حلو المحيا
نظراته فخ ومصيده
ورموشه خيه
ترقص تميل شمال يمين
ماتقولشي حيه
في الرقص ديه
بايعه القضيه
فايقه الجميع متمكنه
دي ميه ميه
مش بس فن وموهبه
وخداها غيّه
تسحر عنيك تخلص عليك
ومالكشي ديه
بترقص يا بيه شرقي وباليه
دول بس فيها هييجوا إيه
ساميه وتحيه
دول جمبها مالهومشي قيمه
هوه كله ضرب ضرب مفيش شتيمة
دي شغل عالي
نظرات عيونها دي اسلحه
رشاش وآلي
بتضرب يا ناس
طلقات رصاص وذخيرة حيه
يعني الحكايه كبرت اوي
لأ بقى دي ياناس جريمه
هوه كله ضرب ضرب مفيش شتيمه
بقلمي/ خالد جمال٢٣/٥/٢٠٢٣
خاص بالنصوص المميزة
D. Hodaaabdo 
أضف تعليق