حقائق ثابتة ⚖️ 💣
مواقف عن مشاكل الاسره
– اغلب المشاكل اللي قابلتني في محكمه الاسره وخصوصا مشاكل الزواج والطلاق والحضانه مرت عاليا كانت كالاتي :
١- تدخل الام في حياه بنتها كان من العوامل الاساسيه لفشل زيجات كتيره ومش معني كلامي اني بسئ للام بالعكس انا شايف من الاصول ان الام ليها بيتها وبنتها بقي ليها بيت فكان من الاصول انها لا تتدخل في حياه بنتها مع ملاحظه ان هناك بعد الامهات النرجسيه اللي بتحب تتحكم في كل اللي حواليها مع ان الواقع بيقول جوز بنتها مش لازم هي تتحكم فيه
٢- الاستغلال الاستغلال الاستغلال بقيت موضه من العصر وكأن الرجل اللي عايز الحلال يبقي لازم يدفع دم قلبه من طلبات اعتقد انها لا داعي لها واذا كان نظره الست الي زوجها مجرد عمله مقابل الزواج اذن اهلا بكم في مكاتب المحاماه والمحاكم في القريب العاجل
٣- البخل البخل البخل وكأن الرجل لا يصرف علي اولاده او مراته ويرفض يوفر لهم الاساسيات
بس في المقابل لا تستغل كلمه البخل انه مجباش دبدوب في عيد الزواج وهما في ضائقه ماليه او تؤدي اولادها مدارس لغات و شادو تيتشر للطفل و جوزها مرتبه بسيط ولو موفرش دا تقولك بخيل
لا دا طبعا العقل والوسط والحكمه طبعا لو عايزين البيت ينجح طبعا
٤- عدم المسؤليه والاستهتار هو مش واخد باله من بيته ومش بيروح الشغل ويبص للستات بره البيت وهي مهمله ولا مسح ولا طبيخ ولا نظافه طبعا دا عامل خطير جدا
٥- خروج اسرار المنزل لصديقات الزوجه و اصدقاء الزوج ويتكلموا عن بعضهم بشكل غريب جدا طبعا دا سبب في انهيار البيوت وعدم الاحترام بين الاطراف
٦- التدخلات من اطراف العائله اخوات الزوجه وخصوصا وقت المشاكل لما يكونوا مش محترمين في التعامل مع الزوج والعكس ايضا عائله الزوج في اهانه الزواج
٧- المشاكل علي الاولاد هي بتكره الاولاد في ابوهم واهله والعكس صحيح
دي اغلب الحالات اللي مرت عاليا لو عندك حالات مرت عليك قولها علشان نستفاد منها
الباشا احمد 🎩⚖️