( قلب انثى )
قال الشاعر :
…………..
على فكره ياواد
انا قلبى ياواد مستنظرك
بعادى عليك
وحنينى اليك ما يغيبك
ربى يحميك
وتسلملى عينيك ويوفقك
توعد واكيد
وشوقى يزيد هيوصلك
تيجى وتطوف
وفؤاد ملهوف بيرقلك
وبساط موصوف
ببستان وحرير ما يعطلك
يا ابو قلب جميل
ابيض ومضىء هيونسك
وننى عينيك
يوصلنى اليك ويطمنك
معرفش أزاي أنا حبيتك
لا بعهد كان ولا بغنوه
أتبدل حالي كتبتلك
بضوء قمرك ظهرتلك
ونجيت ليلي يهديني
علي وقت ميعادك تلاقيني
اسهر والنوم يجافيني
والفكر ينادي ينسيني
الحق أندهلك وتيجيني
أحلامي بطيفك تسجيني
أنظر لعيونك ترقيني
مكتوب أسمك علي جبيني
قلبي دلني علي حبك
وحبك ليا هيحيينى
انا قلبى حس قام بدرى
وعيونى واقفه على اعتابك
همس لى صوتك الدافى
يقولى جى في ميعادك
اطمن وانت على بالى
بترخى السرع لحصانك
احلامى صحتنى في منامى
ترفرف تفتح لى بابك
اغزل مشاعرى باحساسك
تدوب حنينك في اشواقى
ولما تقولى مش ناسى
تعجبنى روحك واصرارك
…………………….
احمد الشريف حسين
6/11/2022