أمي وطن
_______
ح أحكي عن أمي
بس أقول إيه …
أكتر من إللى إتقال
لازم أحكي وأحكي
طول م باقي سؤال
والخلق سؤالها مازال
لسه عن وطني
….. عن أمي
ودمعها الباقي
وجرحها لسه
ملضوم بموالي
أحكي يمكن…
إللي إبتدا بمحال
بكرة يصير ممكن
الكون بدأ بكلمة
لسانى خايف. …
أتوه في الضلمة
باب الحكاوي كبير
وأنا بقالي كتير
وكأني كنت ف سفر
وأديني جيت
لسه على البيبان
متمددة الغربان
نازلة دموع أمي
وهى بتقولي
إحكي كلام لوني
مسطور على جبيني
وإن خفت ماتقولشي
بلاش ما تكتبشي
لا تروح ولا تمشى
خليك هنا جنبي
غني وقول موال
أه….يامه
موالي هو إنت
ياعاشقة القمر كنت
لبعد حد الحلم
حيط السكات هدي
حبل الغنا مدي
راح أكسرشراع الموت
أدور عن وطن
…… عن أمي
لو ح أسافر
ف الضلام وحدي
بقلمي
حمدي البوقي