خاينه
ضحكت عليا وقلبها
ده ما كانش ليا
ولا عمرها كت حاسه بيا
زرعت جراح الدنيا فيا
عشت صاين حبها
كان قلبي هاين عندها
والروح هفيه

ممثله متمكنه ولا عمرها
كت لحظه باينه

كنت مديها الامان
ولا عمري يوم فكرت ابيع
كنت بسقيها الحنان
كنت لخريفها الربيع
ليه عليها الحب هان
جرحتني ادام الجميع

كنت ف جناين غرامها
عايش كما الحمل الوديع
بمحي فيها سنين آلامها
بطوي جرح كان وجيع
فين وعودها وفين كلامها
حب غش وشوق وضيع
كنت بشرب زيف سمومها
واحده واحده بتوه واضيع

بايعه ودي خاينه عهدي
للهوى ماكانتشي صاينه

عمري ضاع راح معاه
والحياه ما بقتشي فارقه
كنت ليها طوق نجاه
كت لقلبي هلاك وغرقه
سابني عايش ويل واه
ساب ف قلبي نار وحرقه
راح وخد عمري وصباه
عاش حياته مني سرقه

معروف جزاء الغدر إيه
معروف نهايته سوده حالكه
مايكفهاش موته واحده لا
ما يكفهاش ولا الف طلقه

خنتي قلبي وهان عليكي
وانتي برضه عليا هاينه
خاينه
بقلمي/ خالد جمال ٣١/٥/٢٠٢٣