( بلكونة السعادة )
قال الشاعر :
……………
بعد رجوع الراجل لبيته
بانتهاء عمل يومه بشغله
يتغدى ويدخل يريح شوية
مراته تصحيه فى المغربية
تعمل كوباتين شاى بنية
وتجرى وراه بسعادة وغية
كرسيين فى البلكونة الهوية
ما تشغلهمش حاجة تانية
تتمتع معاه تسلى وقته
بكلمه حلوة تجلب نباهته
بنظرة هايمة عارفه لغاته
يحكى يتسامر بذكرياته
هواء مزفزف ليكى ناديته
وانتى جنبى شقاى نسيته
انتى عشقى اللى هاويته
وفاء حبك بقلبى سكنته
ودك ليا بجميل حفظته
كل جميل فيكى شوفته
ما احلاها قاعدتنا البسيطة
وشقاكى بمعروف شكرته
حبى ليكى بتزداد ساعاته
عمره عندى معنديش نهايته
موش بيهدا فارد طبيعته
ليكى ولعايلك باخلاص زرعته
كلمينى وألا اقولك انا نكته
تسعدك وتزيد فى قلبك نبضته
انظر لوشك تنورنى بسمته
ما احلاه فى الغروب ضيته
الراديو على السور بمحطته
عمال يزن مش ظابط موجته
من حكاوينا غيرانا اذاعته
صفانا مشفر معندوش تردده
يلا نتسلا نلعب دور بطاوله
والا الشايب بكتشينه مين يقعله
الليل يمسى بعد ما احلوة سهرته
ياخدنا لراحة النوم بمخدته
……………………..
احمد الشريف حسين
خاص بالنصوص المميزة
D. Hodaaabdo 
أضف تعليق