أنا كنت يوم إنسان

انا كنت يوم إنسان
حافض فروض الفرض
فاتح في قلبي مكان
للناس ولو في البرد
بعشق غنا العصافير
نصبت نفسي أمير
علي قلب دنيا كبير
سهلة ولا بتعض
كف القدر شافني
عايم في موج الناس
طول عمره يعرفني
قلبين وفوقهم راس
النسمه في طيفي
وعجيني في رغيفي
بمشي علي كيفي
لو حافية أو بمداس
صُعب عليه اتهني
وطردني من الجنة
وحط علي بابها حراس
وقعدت أحسبها
واحسب محاسبها
وأوجع في قلبي أحتاس
ولقتني مش عاجب
إني أكون إنسان
ولا إني أكون واضح
وعندي ألف بيان
فقلت طب ماشي
هاعيش قطر قشاشِ
وبالطول أو بالعرض
مش ماشي فوق الأرض
لأفوق رؤوس الناس
يمكن كده اعجبهم
وأبقي بقي شبههم
ونعيش سوا وخلاص
رويدا عبد الحي