( عبرة وعظة )

قال الشاعر :
…………….
ارملة عايشه بإبن وحيد
شقيت عليه برباية تفيد
خلته راجل وعلامه يجيد
يوم زواجه فرحة وعيد
شاف نفسه بطبع عنيد
ساب الام بسكنه بعيد
تركها وحيده تزيد وتعيد
كبر السن وقار ويفيد
طلب تسامحه بدون تنهيد
لاتقف فى طريقه لحزنه يزيد
يسافر برا لوحده فريد
يشوف مستقبل برزق جديد
كانت زوجته لغايته تريد
عايله الهم يكونله رصيد
بيه تتبغدد وحياتها تقيد
ناسيه الغربه تمنها شديد
قلب الام بطبعه مريد
على ضناها تشوفه سعيد
سافر الشاب بدون مواعيد
فاتها فى حيرة بفكر زهيد
بعتتله جواب عايزه الرد
يرد الروح والقلب يود
عليه تطمن ما تسأل حد
كل مرة ما يبعتش الرد
عملت حيله ذكيه بجد
كتبت رساله محواها يفيد
ورثة مال بصعوبة يتعد
ان احتجت ابعتلى وخد
فرح الابن بعت بالورد
كل اسبوع تبعتله بود
اى فلوس على روحه يكد
علشان مصحلته يبوس اليد
ناسى واجبها ما يوفى يسد
دام حنانها يزيد في المد
لا حب منه ولاعطف يجود
إللى بخيرها عليه بتعود
بعد تلات شهور بالظبط
انقطع الوصال وساد الصمت
اتصل بجاره على ساخن الخط
قاله امك ماتت والحزن اتحط
جه ملهوف بحضور محتد
موش حزين ماشى ع الجنط
يورث مالها وفى جيبه يحط
فإذ يتفاجئ بغريب فى البيت
قاله امك موتها مؤثر فينا
باعت البيت وباركت لينا
على مرضها بنفس رضيا
حالتها سائت صعبانه علينا
خدت الشارع ملجأ ومسعا
محدش يعرف مالها لبيعها
راح فين باقى كل ما انابها
انهار الشاب ببكاؤه عليها
ماحدش عاش واتخلد فيها
تسيبنا الدنيا لتراب يحوينا
اللهم ارزقنا رضا والدينا
نهتم بيهم بسؤالنا عليهم
ما تلهينا ظروفنا ونشبع بيهم
ما نغيب عنهم وتشوفنا عيونهم
يطول العمر ونخدم ليهم
………………………
احمد الشريف حسين