حب وخطيئة
حبي ليها كان خطيئة
كان هواه اكبر اذيه
ايوه قلبي عاش ف ضيقه
بس فاق م اللحظة ديه
كت ف بحره الروح غريقه
ليل نهار تترجى فيا
ايوه هيه دي الحقيقه
عمري عشته معاه ضحيه
كان هواها وشوقها ليها
عمر مره ما حسوا بيا
عامله فيها ملاك بريئه
في الخداع استاذه هيه
كان عذابها له ميت طريقه
كت كمان تهوى الاسيه
كنت صافي وكت خنيقه
غيه فيه ينكد عليا
كت بكلمه تئيد حريقه
من مفيش تعمل قضيه
كنت عايش عمري ليها
كان جزائي دموع عنيه
كنت عاشق مشتريها
ليه ظلمني وجه عليا
كنت أخاف اجرح شعورها
كت ف جرح الروح جريئة
ايوه كنت زمان اسيرها
بس فقت ف يوم وليله
بكره لازم ييجي دورها
تنجرح وتعيش ذليله
بكره قلبي يلاقى غيرها
حب غالي بدون خطيئة
القى ليا عيون بريئه
حب وخطيئة
بقلمي/ خالد جمال ٢٠/٦/٢٠٢٣
خاص بالنصوص المميزة
D. Hodaaabdo 
أضف تعليق