كل جمعه قصه
فاسدون
دولة عمي أمين
جزء ثالث
عمي امين قال ياهنيه
بس الصبر شويه شويه
الأخبار الحلوه أهى جايه
تبقى مدير عام حاجه عاديه
فاضل كام يوم على الجمعيه
بصى وشوفى الحركه الجايه
حركات عمي أمين مدروسه
ضد الكسر وضد الميه
كل أوامرك فيها مجابه
حتى الواد بن فتحيه
يبقى مدير عام أيوه ياهنيه
كلم أمه وهى قالتلي
وأنت عارفه أمه فتحيه
مش لميتي الغله قوليلي
فاضل كام قرص طعميه
قولي للكلب الكناس
والمسخم أخوه الباز
قرارات عمى أمين فوريه
نفذ فورا بلا تأخير
وبلاش يزعل عمي أمين
خلي سنتهم تمشى بخير
دولة عمى أمين ياهنيه
دوله قويه دوله عافيه
ما تهزها أبدا جمعيه
ولا كلام ع سوشيل ميديه
شعر
على ابو السعود
خاص بالنصوص المميزة
D. Hodaaabdo 
أضف تعليق