اوعى تسيبني
ياللي عنيك دايماً واخدينّي
ياللي هواك العين والنني
ياللي معاك النوم مخاصمني
اوعى حبيبي تغيب عن عيني
وتبعد عني
اوعى تسيبني
فرحة عمري لقيتها معاك
لو بتنادي الروح سامعاك
نبض القلب يقول بهواك
كل جروحي تفارق روحي
وانا وياك
وانت حاضنِّي
ايوه غرامك صحّى فؤادي
بعد ما طال ف الحزن رُقادي
ايوه هواك زادي وزوادي
بنسى آلامي ويحلى كلامي
وانت قصادي
روحي تغني
عارف جمبك وانت معايا
بحس بإيه
قلبي ملاك وفارد جناحاته
يا عمري عليك
زي غريق رجعتله حياته
طوق الحب لقاه ف عنيك
طير وبيشرب ندى قطراته
ف كف ايديك
دانت آمالي وعمري الغالي
وانا يا حبيبي كل ما ليك
نبض لقلبي وحلم ساكنِّي
اوعى تسيبني
بقلمي/ خالد جمال ٣٠/٨/٢٠٢٣
خاص بالنصوص المميزة
D. Hodaaabdo 
أضف تعليق