زجل مغربي …

قْسيتِ عْلينا ياَلاَيــــاَّمْ
وَاهِـــيَ الاَيَـــام شْحـــــالْ قْسيت عْلينـا
عُمْرْنا ضـــاعْ وَشْحال اسْتَنينَّا ضَحْكَتْنا
أيَّــــام الَبْكَـى مْشــــاتْ وَجـــات الزِّينـــا
فَكَّرْتْ فيك يا النـاَّسِي مْشيتِ وْخَلِّيتينا
أَعْــــوامْ وَسْنيـــنْ وَغيـر طَـــلّْ عْلـينـــــا
شْكُـــون قـــال قَلَّـــةْ الشِّـــي تْبَكِّـينـــــــا
تْقاسِي عْلينـــا الأَيَّـــام وَمَنْ بَعْدْ تْفَرَّحْنا
هَدا حَالْنــــا يا الْمَسْكين شْحــــال تَّقْهَرْنا
رَبِّـــي يْفَــــرَّجْ نْهــــار وَأَيَّــــام يْنَسِّــينــــا
وَلوْ صْعيـبْ لُقْمَـة الْعَيْش الْيُـوم تْجِينــــا
رْغيفْ الْخُبْزْ كُلَّ نْهــــار بِهْ رَبي يَرْزَقْنــــا
الضَّحْكَة وَالإِبْتِسامَة لَشْفاهْنـا لاَتْفارَقْنـــا
وَبَمْقْسوُم الله عْليهْ حَـامْديـن وَشـاكْريـن
الله يارَبي لَصَحَّتْنـــا وَأَهْلْنـــا لَاتَحْرَمْنـــا
شْكُـون قـال بِالفَقْــر وَقَلَّــةْ الشِّـي بْكِيـنـا
يَاربِّـي تْــدُوم عْلينــا فَرْحَتْنــــا بَاحْبابْنـــا
وَبَالْحَياة طُول الَعْمَر وَلاَعْليهُــمْ تَبعَّدْنــــا
وَيَاسيدي ربِّي تَقْبَل عْلينا وَتَحْسَنْ بِينـــا
…
بقلمي نجاة ضرضورى
همسات بنت الريف