كلي ليكي
كلي ليكي ومشتريكي
والعيون هتموت عليكي
هايمه روحي ودايبه فيكي
جارحه قلبي رموش عنيكي
ايوه مشتاقلك بدوب
ايوه حبك فيا ساكن
حب ماتسعهوش أماكن
حب من غير ليه ولكن
عشق على عرش القلوب
لو تغيبي الروح تسيبني
بلقى دمع العين غالبني
حتى قلبي يقوللي سيبني
سيبني اتوه بين الدروب
نبض قلبي يقول بريدك
دمه ده بيجري ف وريدك
حتة منه وملك ايدك
ساكنه فيه لحد الغروب
ياللي قلبي مال إليكي
ياللي عمري احلو بيكي
ياللي روحي لقيتها فيكي
مستحيل عنك هاتوب
مستحيل انا اعيش حياتي
الا بيكي
ياللي كل حاجه فيا بتناديكي
كلي ليكي
بقلمي/ خالد جمال ٣/٩/٢٠٢٣
خاص بالنصوص المميزة
D. Hodaaabdo 
أضف تعليق