هي ديه آخر فرصة
×××××××××××
هي ديه أخر فرصة …….. عملتها يدوب لانقاذك
لو عرفت واستوعبت……. أتغير على طول حالك
لو جهلت واستهبلت……………. أتقلب فيها كيانك
الدنيا فيها هات وفيها ……….خد أعرفها جنابك
واللى داس على السنين……… وداس على أيامك
ما تفرق معاه شمالك……… من يمنك ولا امامك
هي ديه آخر فرصة ………عملتها يدوب لانقاذك
أنسى العناد وأنسى الجهل ……وأنسى شيطانك
مد أيدك بالخير تلقى الشمس منورة و ساطعالك
قدم السبت تلاقى…………… الحد بيطل ويسعالك
والنور بيلالى بالسما ……..والكل صافى بصفائك
أوعاك تمد ايدك بالشر ………وتمد الخيبة بركابك
هي ديه آخر فرصة ……….عملتها يدوب لانقاذك
لملم جروح جَرحتها …….وجرحت نفسك بعنادك
عديت الإمانى وكسرت….. طريق الصبر وأحلامك
غيرت وطمست حروف …….كان حينطقها لسانك
سرقت لحظة حق اللى……… صنعت منها اشجانك
وغرقت فى بحور التوهان اللى عومت فية لحالك
هي ديه آخر فرصة ……….. عملتها يدوب لانقاذك
مشيت بطريق مسدود واتقفلت كل البيبان وأبوابك
غواك ملعون شيطان…….. مسموم بصبحك ومسائك
رماك مهموم وسابك…………. مطحون وطعن أسبابك
ومن يومك مهضوم ……..واللون مشحوب بأنفاسك
ومسافر بالكون ومش عارف محطة وصول مرسالك
هي ديه آخر فرصة……………… عملتها يدوب لانقاذك
أديب وشاعر مهندس/ محمد عوض
7/9/2023