الزهر بقلمي عبدالله رجب ابوعدنان
لعبت ب الزهر وياما كسبت
ياما راهنت وخسرت
اللي عامل صاحب
وف الأساس ما يتصاحب
ولا يتلام ولا يتعاتب
واللي عامل أخ
إبن العبيطه وقع ف الفخ
وهاتك يضرب وتقطيع
ف العبد لله المطيع تيخ طخ
واديني لسه عايش ما مت
راهنت ع الندل أول واحد باع
يلعب ب التلات ورقات وخداع
وكان من ضمن اللي زود الأوجاع
راهنت على اخواتي
وحب بناتي
وأهلي ومراتي
وكله ف الضياع
وما تفرق بين واد و بت
الزهر ف لعبه الحياة
المنجي منها اللة
واكتر حاجه تالمني وتوجعني
وتخليني أقول اة
رغم السنين دي ما اتعلمت
فيه لعبه تكون فيها رابح
لما تكون بخيالك سابح
أو راكب ف الحلم حصان جامح
المصيبة إني طول عمري طامح
ف ايه ما فهمت
خاص بالنصوص المميزة
D. Hodaaabdo 
أضف تعليق