أزمة ضمير
×××××××
هو الضمير نسينا ….وراح مننا فين ولمين؟
والغش متغلل فينا …..وجونا شمال ويمين
والكل عارف وماشى بيصدق وبيقول أمين
والدنيا أتقل لية خيرها. …. وأحنا بقينا مش عارفين
والكل كافى على الخبر لية. ماجور وماعون العجين
والعمود سرقوا حديده……….. ولاد ستين في سبعين
وطاح جسر الكبرى يا. ولداه …تحت عنين السامعين
أزمة أمانة ومرض منشور ……بين الخلايق أجمعين
والناس مخنوقة وتعبانة وأصلهم بالألوف والملايين
وفي ناس وكلاها والعة …وسيبة غيرها يسف الطين
وناس شرباها سخنة ومبيتلسوعوش ولاد الملاعين
واللى عايزينوا يكون حيكون.. حتى لو راحوا كل المساكين
واحنا طول عمرنا حقنا رايح………… وطول عمرنا مفرومين
أصحوا وفوقوا ومتخلوش حد يضحك عليكوا من الظالمين
أصحوا وفوقوا بقا دانتم بقيتم………. بالقرن واحد وعشرين
أوعاكم تكونوا في يوم ………… خانعين للراس ومهزمين
لازم تهزموا السلبيات ………وترفعوا فينا راية المنتصريين
لازم ترجعوا أمجاد العزة والنصر………. وامجاد صلاح الدين
لازم نقضى على الفساد ……………ونحرر فينا المستفيدين
لازم نقضى على المغتصبين…………… ونحرر أرض فلسطين
ونركب موجه الشجعان ………..ونحطم فينا جبن الخائفين
والعدل يبقى عنوان مكتوب……………… على باب الصابرين
والحق يرجع ينزرع ثانى …….وتحصدوا قلوب كل الطيبين
والضمير يسكن جوة قلوبنا……. ويا ألأمانة ويبقوا مسيطرين
أديب وشاعر مهندس /محمد عوض
20/12/2023