عشان الورد انا هشتغل جنايني
وازرع ورد واملى بيه جنايني
هل ف حياتي وظهر
حاجة من ريحة القمر
الحب على قلبي أمر والله يعيني
سرقني سرقة ….المتمكن
خطفني خطفة اللي تجنن
فريد من نوعه
لا وموضوعه
خلاني عشان ارضيه اتفنن
ده اللي اكيد لازم يتحب
صب الشوق ف قلبي صب
مش بجامل
لو قولت كامل
وبعده كل الناس على جنب
تحت الرمش رمشه مخاوي الجن
ساحر وسحره قلب موازين الحسن
حلاوته في تقاطيعه
عسل من مجاميعه
واللي يشوفه يطيعه بالأمر يحن
ملوش مثيل في التقل واللذي منه
أحبابه كتير واقفين حواليه بيغنوا
مافيش منه اتنين
ولا غيره بيملى العين
وده كل الحلويين ……بتغير منه
محمد الحناوي
خاص بالنصوص المميزة
D. Hodaaabdo 
أضف تعليق