يا جميل والرمش كحيل
يا غزال والخصر نحيل
ده الشوق فاض بيا وقلبي
صابر والصبر قليل

يا دلال ومالوهشي مثيل
والروح ف هواك بتميل
ماقدرشي اداري ف حبي
ف العين له الف دليل

يا عيون زي القناديل
وخدود بالعطر تسيل
ما تحن وتقعد جمبي
او شاور بالمنديل

يا حمام وسامعله هديل
كروان غنى المواويل
سهران ف غرامك جفني
مابنامشي نهار ولا ليل

يا رموش تجرح وتخيل
ويا شعر سواد الليل
ليه تملي بتتعب قلبي
ليه بس عليا بخيل

ده غرام ومالوش تفسير
وغلبت ف حالتي كتير
ماعرفش انا ايه خلاني
اعشق واحب جميل

يا جميل
بقلمي/ خالد جمال ٢٣/١٢/٢٠٢٣