يابحر قولي
جلال محمد
مصر.. كفرالشيخ

جيتلكم يابحر
أشكيلك همي
لقيتك يابحر
م الهموم مليان
يابحر جيتلك
مشتت الوجدان
أشكيلك جفا الإنسان
يابحر خاصمني زماني
ومش عارف ف الحياه
مكاني
تعبت يابحرمن هم قلبي
يابحر قولي
هوا أنا ممكن أسلمك أمري؟
وأدي للريح أيام عمري،،،،
بس منك أناخايف
تِعصف بقلبي
قرب حبيبي واللي فات مات
واللي جاي جميل زي صَبري
بامدلك إيدي بإشتياق
ودمع حنيني زي النهر
من جوه عيني بيجري
وبتناديك روحي
وبتنزف جروحي
حبيبي…..
ماتتجهلش ندا قلبي
عشان إنت تعرف
إيه اللي بيا وتدري
………………………
2023/12/18