عشق الجسد (662)
……………..
وعدا الليل بتنهيده
ما بين لهفه ونظرات خوف
وشوق مستني على بابي
ليحضن فرحه ناقصه حروف
وعدني غرامه ولا جاشي
فايت لي عذاب وليل مجروح
ودقه قلب موجوعه
يادوب عايش حلاوة روح
وليه بدارى من نفسي
ولا بشكي الألم ولا أبوح
وبمسح دمعيتي بأيدي
وبتبسم وكلي شروخ
وخايفه يحسوا ليل ضعفي
وخايفه يشوفوا طير مدبوح
مسلم للهوى حاله بغدر
سقاه عذاب وجروح
لا حس بدمعه على خده ولا طبطب فى يوم ع الروح
خدعني كلامه نساني
وعشت فى عشق غير مسموح
وشايفه فى كدبه وأصدق
وبان غشه كتاب مفتوح
لا عشق الوهم ريحني
وداب عمري فى حزن ونوح
وقلبي ظلمته يوم قرب
من عشق الجسد مش روح
بقلم .. صبري رسلان
خاص بالنصوص المميزة
D. Hodaaabdo 
أضف تعليق