ماله القمر
هو القمر
ماله كده تقلان
ولا أحنا زعلناه
غاب عنا
ونوره واحشنا
من مدة بنستناه
باين أنه
واخد على خاطره
وعايزنا نترجاه
زعلان
نروح ونصالحه
ونحايله ونسترضاه
وكمان
نحق له روحنا
والله بنتمنى رضاه
ونقوله
طال قوي ليلنا
ووحشنا السهر وياه
ياقمر
هو أحنا لنا غيرك
نصاحبه ونسهر معاه
أمانة
ترجع تهل وتنور
حياتنا نورك يا محلاه
شاعر العامية/ عبد المنعم حمدي رضوان
خاص بالنصوص المميزة
D. Hodaaabdo 
أضف تعليق