🌹🚲🚲🚲🚲🚲 عجلة . لاري 🚲🚲🚲🚲🚲🌹
عجلة ابويا اللاري
وجوزين حمام أمي العتاقي
والحكاية والبداية
واللي باقي
لو رجعت للي فات
قلبي والله . هياجي باكي
اصل أحلى الذكريات
استحالة نعيشها تاني
يعني فرح الدنيا كله
كنت اشوفه . في عجلة لاري
كنت أركب ويا ابويا
وأيدي لافة كل وسطه
وخدي جوه الضهر مالي
أصل ابويا في الحياة
هو السند
هو المدد
هو حالي
واغلى غالي
باسمه بس
عاش جبيني في السما
فوق في العلالي
لو هقولك روحنا فين
ولا سقعة الايدين
ولا فرحة العينين
حتى حر الشمس زين
يعني واحنا صغيرين
كان املنا في الحياة
هو التسالي
يعني ممكن . لو سمحتوا
فيه إجابة . عن سؤالي
رجعولي أبويا تاني
وابقى عيل لو كبرت
او قدرتي عليا يعني يا دنيا ……. تاني
🌹🌹🌹🌹🌹🌹🌹🌹🌹🌹
عجلة لاري نوع من أنواع العجل القديم
شادوليات
شاذلي محمد عبدالرحمن حسين.
خاص بالنصوص المميزة
D. Hodaaabdo 
أضف تعليق