يا زمان

يا زمان وفيك العِبَر
زمن الشمال والشين

يا زمان وخاب ع الكِبَر
عايش كده بوشين

الكل فيه خان غدر
يبيعوك عشان قرشبن

يتمنوا ليك الضرر
ولملحتك قارشين

يسيبوك ف عز الخطر
على دمعتك عايشين

سابقين ف غش البشر
وبياخدوا فيه نياشين

ماتقولشي فعل القدر
داحنا ف خطاه ماشيين

حلم السنين ضاع هدر
عايشين ومش عايشين

داحنا اللي خونا الزمن
وبقينا ليه غاشين

بعناه وكان التمن
خايفين كده وكاشين

جوانا شئ انكسر
ويا ريتنا بيه حاسين

علشان غلبنا الطمع
ولا حاجه تملى العين

علشان ملانا الجشع
وبقينا كده وحشين

لومنا الزمان والقدر
واحنا اللي ليه ظالمين

بقلمي/ خالد جمال ٨/١/٢٠٢٤