يمامة بقلمي عبدالله رجب ابوعدنان
وسط غيمه ف السما
بشوفك نور
عاشقه للبوح والتمتما
وانا جناحي مكسور
كل حروف الشعر احتاروا ف وصفك
الدلال والرقه فيض من كفك
يمامة نايمه حالمه ف عشك
ما عاش ولا كان يقدر يغشك
اكشفي ضي نورك والزمن راح ينصفك
ع الجدران وف القصايد
منقوشه على طبق بلور
اندهيني ندهة صبي
بيحن لحضن أمه
أو خل ف الحب وفي
نفسه م الشتات تلمه
لا كنت نبي ولا ولي
مستني للحظه تضمه
سنين عجاف وف خيرك مستور
وقع الحمام الزاجل ف المصيدة
وحانت ساعة اللقا
عشقي وغرامي مش مكيدة
يمكن لأني محبوس ف الشرنقه
خلوا المسافات بينا بعيدة
قاصدين يا حبيبتي يمحوا الصفا
ينهشوا لحمك ويمصوا دمك لا حاسين بوجعك ولا ألمك وكله بيتخانق ع الدور
محتاج لحضنك يضمني يلملمني م الغلا
ومحتاجة فارس نبيل
راح ادعيلك ف العشا والفجر وكل صلا
واسهر وعيوني صاحيه طول الليل
صوتي يشبه الهنهنه
وشوفي زي ضي القناديل
بقالي خمسين سنه
بزرع الحب ف أرض بور
خاص بالنصوص المميزة
D. Hodaaabdo 
أضف تعليق