فنجان شاى  ☕
ماأحلاه وقت العصارى مع معلقة سكر
فى البلكونة وانت قاعد من غير ماتفكر
منظر جميل من وردة حمرة وضحكة تكركر
خالى البال مع نسمة حلوة ولابال معكر
فنجان شاى ☕
تسمع أغانى سومة وتسرح بخيالك بعيد
تسترجع ذكرياتك مع حبايبك فى يوم عيد
يوم ماحبيت واول خروجة والإيد فى الإيد
فنجان شاى فيه السحر كله تشربه ويزيد
مزاج عالى فى السما مع انه بمبلغ زهيد
فنجان شاى  ☕
تقعد تشربه مع حبيبك وتنسوا الهموم
مع ضحكة فى حكاية وطاولة ويعدى اليوم
المهم تشربه مع حد قلبك بيحبه ولحبه يدوم
تنسى نفسك معاه بقعدته وعن العالم تصوم
تسهر معاه الليالى وعنيك تجافيها النوم
فنجان شاى  ☕
سامية محمد غانم