حبة حاجات
ياحبيبتي لو تسمحي..
يارب قلبك ينسعد ..تفرحي
ويبقي قلبي بيتك..قلبك مطرحي
وانت جايه لقلبي..عشان قلبك يبات
انا نفسي في حبة حاجات..
ان شاءالله من سوق التلات..
هاتي لي عيد..
وهاتي لي فجر جديد..
حبة سلام بالأيد …
وهاتي لي قلب سعيد..
وهاتي لي صفو وليد..
وهاتي لي ضحكه اشوفها..
الشمس تطلع والقمر يظهر لها
والورد يشوف الضحكه…
يتفتح لها..
حبة حاجات.. تمحي الآهات. .
وترجع العمر اللي فات..
والذكريات…لو تسمحي.
…… ………
شعر/نصر سيد بدر..القاهره.
خاص بالنصوص المميزة
D. Hodaaabdo 
أضف تعليق