سوق النخاسة
أنا قلبي مش للبيع
ولا عمره كان عبد
أنا قلبي قوي ومنيع
أعظم من أي سد
حبيتك أيوه نعم
عشقتك أيوه نعم
فاكرة هاتكسريني
وتبيعي وتشتريني
لما قلبك يصد
لما نعيش الألم
لا وألف لا
سوق النخاسة إتهد
انا قلبي زي الطير
مليان حنان وخير
وحبي ليك عمار
عمره ما كان دمار
ولا كمالة عدد
سوق النخاسة سوقك
هتلاقي فيه زبونك
يشتري فيك ويبيعك
مابين هات وخد
والسعر راح يتعد
بقلم: محمود صلاح
خاص بالنصوص المميزة
D. Hodaaabdo 
أضف تعليق