محتاج حنان
علي كفي قايد من قلبي شمعه
في قلبي راشق سهم العيون
والنار حاسسها في قلبي والعه
وساعات تاخدني  منك ظنون..
وتهجريني ..واقول دى راجعه
وحتي لو .. ايه راح يكون ؟؟
عارفه باني عايش في حاله..
واستحالة. . قلبك يخون..
ساعات ياخدني ..ساعات يجيبني
احساس وعايشه ..مليان شجون
عارفه مكانك يا بنت قلبي
ساكنه لوحدك قلبي الحنون..
وصدقيني. .لو ياخدوا عيني
حبك في قلبي..مش راح يهون
    …..      …….
تقولي عاشق ..انسان خيالي..
الحب اصلا..نوع م الجنان
وجوه قلبي فيه جزء خالي
خايف لحبك يملاه هوان
اصل انت عايشه في برج عالي
وانا اللي قلبي محتاج حنان..
انا اللي قلبي محتاج حنان.
……..      ……..
شعر/نصر سيد بدر..القاهرة