«جنة الأجروح»
أبكي وأنوح على فـــــراق الأجروح
واعيش بالغــــربه مكســور الأجناح
قلبي من الفــــراق يارفـاق مجروح
وعيشتي بالبعــــاد كل ايامها جراح
إن قلت جرحي طاب الاقيه مفتوح
يأبى يطيـب ويوقف لهيبــه وأرتاح
رقصت بالغربه رقصـة طائرٍ مذبوح
يرقـــــصُ من الألمِ مصفقـاً بالجناح
غريب الدار بين الجــــدران مطروح
أسائل عن الناس من أتى ومن راح؟
اشكوا الحــال عايشٍ جسد بلا روح
مشتـاق لجو الريف ونسيــم الصباح
وقعدة الشاهي وريح الصبوح يفوح
مشتـــــاق لك ياديار الهناء والأفراح
شوقي لديار العـز مدى العمر مفتوح
مشتاق لضحكة القات والشوق ذباح
شوقي شـوق مولع بالجبل والسفوح
أشتاقهم شوق الطير لزقزقةِ الصباح
ياشوقني والشوق شق قلبي والروح
شوق لمن قربهم جنه وبُعدهم طفاح
مشتـاق والشـــوق الأكبـــر للأجروح
شوق المُـــزارع لصوت الرعد إن لاح
يا أرض الأجــداد منك المسك يفوح
يا أجمل بلاد شوقي لعطــرك الفواح
الشاعر انور المنتصر
٢٩ / فبراير/ ٢٠٢٤م
خاص بالنصوص المميزة
D. Hodaaabdo 
أضف تعليق