قدر ونصيب
الليل خوان ..لو شاف انسان
وحيد سهران ..
يستفرد بعواطفه..الغادر
الليل حاكم ظالم  قادر
الليل جبروت..حالف مايفوت
الا اما يموت ..انسان صابر
الليل لو طالك ..يفترسك
يخلع نابك ..يقلع ضرسك
الليل سواح..داير في  براح
بيصحي جراح..
مساكين نايمين..
الليل سواح..داير في براح
ويطبطب ع الجحده  الملاعين
الليل لو مسكك..مش حايسيب
ماتقولش الليل ده اعز حبيب..
ده عمره ماكان لجراحنا طبيب
والا اللي بيجرى لنا صحيح يمكن
ده قدر ونصيب ؟؟
……..    …..  …..
شعر/ نصر سيد بدر..القاهره