الدور على مين (681)
……………….
مش هفرح فيك يوم ولاهشمت
وهعزيك عادي
وإن عيني فى عينك
لا أنا شايفك لو حتى قصادي
ده لا صونت فى عشرة ولا جميله
وشايفنه بعينك ليه قليله
لا جبرت بخاطر
وبتظهر بس عشان
لقطه ما شبعنا مظاهر
مش خايف يومك بيقرب
كشاكيلك فينها
هتحاسب ع الحق وباطل
وقلوب ودافينها
الله يهديك إنت وغيرك
ما النيه بحور
والعالم بيها اللي خالقها
يا سواد يا النور
والدور على مين
أنا ولا أنت
مين راح مستور
إمبارح عندي يجيك بكره
والحزن سطور
إجباري هتقرأه ده مقرر
وإستنى الدور
والكاس هتدوقه هتدوقه
وفراق محتوم
بقلم .. صبري رسلان
خاص بالنصوص المميزة
D. Hodaaabdo 
أضف تعليق