عدس الغلابه
***
عدس الغلابه اللي
كان
في عز الشتا بيدفينا
ويكفينا
وكان بيجي من بدري
يصحينا
ويخبط علي الابواب
ويقول افتحوا لينا
يااحباب
دا أنا ابن عم الفول
المدمس والمدشوش
صبح غريب عننا
اليوم
ولاعدتش في يوم
بيجينا
اصله بقه غني وسعره
أرتفع
ياكل ناسنا وأهالينا
ولبس البدل والكاب
والطاقيه الصوف
بعد ماكان زينا لابس
الجلابيه واللبقاقب
وكان قبلنا يروح
السوق
والوقتي راكب عربيه
سوزوكي
ومعاه كزا سواق
وعايش حياته فرفشه
وليالي ملاح
وياعم ياصفر ياأبو
جبه
ماتجبلنا حبه وفرق
علي الاحبه
دا احنا غلابه واتكوينا
من الغلا
يعني مننا مش مكسوف
طب حتي سلم علينا
سبتنا ليه نعد أخماس
في اسداس
ولا عدتش لينا غير
الفجل والقلقاس
وصحبت الفراخ
والجمبري والسمك
واللحمه
وماكنش عشمنا تعمل
كدا فينا
وتسبنا واقفين علي
الاعتاب
وتسبنا واقفين علي
الاعتاب
***
بقلم شاعر الغلابه
د/حسن نبيه خضير
جمهوريه مصر العربيه