ثمن الحب (684)
………….
قولوا لحبيبي أنا مش بنام الليل بطوله
مش دايبه فيه ولا شوق غرام
بس إني أطوله
لملم هدومه ويا فكيك هد فى حصونه
قولوا له سدد ما عليك كترت ديونه
مكتوب عليا معاه الشقى
ودموع ليلاتي
وشايله هم ليل نهار
شقلب حياتي
ضمنته في لحظه هنا
وورطت حالي
باع اللي حيلتي منين أعيش
وأخدم حماتي
سنتين ما سدد وإختفى والسجن آتي
بعد الذهب هلبس حديد
وهشيل دي شيله
فلت الزمام عكس المسار شردت عيله
الحب أعمى وله ثمن سنين حزينه
أخرتها بايته في السجون
ما بيدي حيله
نصيحه لا تضمن حبيب
ولا أخوك فى عيله
كل عقلي مني بكلمتين أبو عين كحيله
وأديني بدفع الثمن
من الوحله شيله
سددت نص الدين
دموع من حبس ليله
والشاطره نيل بختها
أبو عين كحيله
بقلم .. صبري رسلان
خاص بالنصوص المميزة
D. Hodaaabdo 
أضف تعليق